Mwongozo wa matumizi

Kuanza haraka

VisaMi (VIcoba + SAving + MIcrofinance) ina sehemu mbili. Chagua ile inayokuhusu:

• VICOBA na vikundi vidogo (wanachama wa kikundi): jisajili kikundi, ingia kwa simu au barua pepe, rekodi michango, omba mikopo na lipa marejesho. Angalia sehemu ya VICOBA.
• Microfinance (taasisi ya mikopo, matawi na wafanyakazi): wafanyakazi wanaingia kupitia kitufe cha Ingia (MFI). Angalia sehemu ya Microfinance.

Wateja wa taasisi ya mikopo hawaingii wenyewe kwenye mfumo. Wanahudumiwa na wafanyakazi wa tawi.

VICOBA na vikundi vidogo

Kujisajili na kuingia

1. Fungua ukurasa wa kuingia na ubonyeze Sajili hapa (kikundi kipya).
2. Jaza taarifa za kikundi na za mtu anayeanzisha. Huyo anakuwa msimamizi wa kikundi.
3. Ingia kwa nambari ya simu au barua pepe na nywila yako. Usimpe mtu nywila yako.

Majukumu ya kikundi

Michango

1. Mweka hazina anafungua ukurasa wa michango.
2. Anachagua mwanachama, aina ya mchango na kiasi.
3. Anahifadhi, na mwanachama anaona mchango wake mara moja.

Mikopo kwa hatua nne

1. Mwanachama anawasilisha ombi la mkopo (kiasi, muda, aina ya riba).
2. Mweka hazina anathibitisha ombi.
3. Katibu anapitisha ombi.
4. Mwenyekiti anaidhinisha, na mkopo unatolewa.

Hakuna anayeweza kuidhinisha mkopo wake mwenyewe. Mkopo uliokataliwa haurudi kwenye hatua ya awali; ombi jipya linaundwa.

Marejesho, faini na ripoti

• Mweka hazina anarekodi marejesho, na mwanachama anaona salio la mkopo lililobaki.
• Faini zinawekwa kulingana na sheria ya kikundi.
• Kikundi kinaona ripoti za michango, mikopo na gawio la mwaka (AGM).
• Arifa zinaonekana kwenye kengele ya juu; ukibonyeza zinawekwa kuwa zimesomwa.

Microfinance: taasisi, matawi na wafanyakazi

Kuingia

1. Bonyeza Ingia (MFI) kwenye ukurasa wa mwanzo au wa kuingia, au fungua /mf/login.php.
2. Ingia kwa barua pepe na nywila ya muda uliyopewa na msimamizi wa taasisi.
3. Mara ya kwanza, mfumo unakulazimisha kubadilisha nywila. Chagua ndefu na ya kipekee.
4. Utaona dashibodi yenye kazi zinazokusubiri kulingana na jukumu lako.

Nani anafanya nini

Kusajili mteja

1. Afisa mikopo anafungua Wateja > Mteja mpya.
2. Anaingiza jina, simu, namba ya kitambulisho na tawi.
3. Anathibitisha KYC (utambulisho) baada ya kuona kitambulisho halisi. Mfumo hauthibitishi kiotomatiki.

Kutoka ombi hadi mkopo

1. Ombi: afisa anafungua Maombi ya mikopo na kuunda ombi kwa bidhaa, kiasi na muda.
2. Idhini: meneja anaidhinisha hadi kikomo chake; juu ya hapo msimamizi anaidhinisha.
3. Utoaji: teller anafungua Utoaji wa mikopo na kutoa fedha. Ada ya bidhaa inakatwa mbele, na mteja anapokea kiasi baada ya ada.
4. Marejesho: teller anafungua Pokea malipo. Malipo yanagawanywa: faini, riba kisha mtaji. Malipo ya ziada yanalipa awamu za mbele; kilichobaki kinakwenda kwenye salio la mteja.

Kosa la malipo

1. Teller anaomba kutengua malipo kwa kutoa sababu.
2. Meneja au msimamizi anaamua. Teller hawezi kuidhinisha ombi lake mwenyewe.
3. Ikikubaliwa, malipo yanatenguliwa na vitabu vinarekebishwa; risiti inaonyesha "imetenguliwa".

Mwisho wa siku

1. Meneja anafungua Fedha > Kufunga siku, anahesabu fedha taslimu za kasha na kuziandika.
2. Zikitofautiana na vitabu, anaandika maelezo na anaweza kumchagua teller anayehusika. Tofauti inasubiri msimamizi mwingine.
3. Msimamizi mwingine anaamua kwenye Fedha > Tofauti za till: upungufu unakwenda gharama ya taasisi, ziada inakwenda mapato.
4. Baada ya kufunga, hakuna miamala mipya ya fedha kwa tawi hilo siku hiyo.

Fedha, ripoti na usalama

• Kuweka fedha tawini: msimamizi mmoja anaomba, mwingine anaidhinisha. Kutoa kwenda benki: vilevile.
• Ripoti: mizania ya majaribio, mapato na matumizi, mizania, PAR na maridhiano ya benki. Kupakua CSV ni kwa msimamizi tu.
• Kila kitendo kinaandikwa kwenye kumbukumbu ya ukaguzi isiyoweza kufutwa.
• Ukisahau nywila, mwombe msimamizi wa taasisi akupe mpya.

Msaada na usalama

• Usimpe mtu nywila yako, hata kama ni mfanyakazi mwenzako.
• Toka (logout) ukimaliza, hasa kwenye simu au kompyuta ya pamoja.
• Usiandike majina ya wateja kwenye sehemu za maelezo mafupi.
• Tatizo? Wasiliana na msimamizi wako. Kwa msaada wa jukwaa: moescience@proton.me au simu +255 768 139 301.